Lesung Item Es Ist Stadtarchiv

Item eß ist zuwissen , daz die ſpecerey die in den Inseln In Indien | in Orienten in manicherley hendt verkaufft würdt , ehe sy herauß | kumpt In unsere Lanndt . | Erstlich die Inwohner der Insell genant Iaua Maior die kauffen sy in | den andern Inseln do sy gesambelt württ , bej iren Nachpaurn unnd | verkauffen sy in Ir Innsell | Zum andern , die von der Insell ſailan do ſanct Thomaſ begraben ligt , kauffen | die ſpezerey in der Insel Iaua und bringen sy in ir Insell | zum dritten In der Insell Coylon und ſeilan würdt sy wider entladen | verzolt unnd ver kaufft den kaufleuten auß der Insell aurea [Mersonesuſ?] | do würt sy entladen . | zum Vierten die kaufleut der Insell [tapolima?] genant [''kaufen'' in der Vorlage über der Zeile eingetragen] und verzohlen die | ſpezerey daselbst , und bringenſ in ir Insel . | zum fünfften , die heyden Machmet gelauffen kommen auß dem Landt | adem dahin , und kaufenſ und verzohlenſ, und fürenſ in ir Lanndt . | zum .6. die von algeyro kauffenſ und füerenſ uber Möer , und fürttenſ [uber landt in der Vorlage mit einem Schlenker unter das Ende der Zeile nachgetragen] | zum .7. so kauffenſ die Venediger unnd andere . | zum .8. so würdt sy zu Venedig wider verkaufft den Teutschen und verzolt . | zum .9. zu frangkhfurtt . Prugkh und andern ortten . | zum .10. in Engellandt unnd franckhreich . | zum .11. so kummen sy erst in der kremmer hendt . | zum 12. so von den kremern kauffenſ die , von den die ſpezerej verbraucht würt , | dabey soll Iederman vermerckhen , die großen zohl und [dezn?], und den Gewin | die 12. maln auf die ſpezerey geht , und zu mermaln von zehen Pfundten | [q 'q' als Textmarke verzeichnet] | einſ mueß geben zu zoll , darbej zuuerstehen ist , daz in dem Lanndt , | In Orienten fast vil muß wachsen , unnd wolfeil mueſ sein , und daz | nit wunder wer man wige sy bey unß dem Goldt geleich . diſ sindt | die wortt Meister Bartolmej florentinj der auß India kommen waſ | anno domini 1 4 2 4. und Eugenio dem Vierten Babst zu Venedige erzelt waz er | in 24 Iaren in Orienten ge sehen , und erfaren hat .