Lesung Dise Insel Genant Zanziber Ravenstein

diſe inſel genant zanzibar hot umbfangen | 2,000 meil die hott ir_e aigen_e | konik und jre beſunder sprach und die | inwoner petten abgotter an ſind groſſ | leut gleich wan jr einer hatt vier unſer | man ſterck und jr ainer iſt ſo vil als | ander fünf menſchen sie gin al nacket | und ſind all ſchwarz leut faſt ungestalt | mit groſen langen oren weiten | münden groſ schrechliche augen hend | zu viermalen groſſer dan ander leut | hend jre weiber ſind auch alſo grauſam | anzuſehen wie die man dis volk nert | ſich der datellen milch reis und | fleiſch kein wein wechſt bey in ſi | machen aber gut tranck von reis und | von zucker groſe kaufmanſchaft | geſchicht bej jn von ambra und von | helfont zenen do ſindt vil helfant | leven und leoparden auch gyraffen | und leonzen und vil andere thier di | faſt ongeleich unſern thieren ſindt dis | beſchreibt marco polo in dritten puch | an dem xlj capitel .