Lesung Die Obgeschriebenen Ravenstein

die obgeſchriebini jnſeln wurd_e be wohnt | anno 1466 wan der konik v_o portu gal | diſe inſeln v_o vleiſſiger bydte wegen ſi | geſchenckt het der herzegin v_o burgund | ſeiner ſchwester mit namen | frawen jſabella und waren in flandern | diſsmals groſs krieg und teurung, und | ſchickte die vorgenant herzogin vil | volks ma_n und fraw_e allerley handwerk | mit ſambt prieſtern une was zum | gottesdienſt gehört etwen vil ſchiff mit | hauſrath und was zu dem veldbau | gehöert zu pauen aus flandern jn | die jnſel liſs jedem in die zwai jar | geben waſs ſy nottürffig ſein umb zu | ewigen zeitten in allen meſſen jr zu | gedenkhen jegliche per ſon mit einim | aue maria welcher perſon_e bei 2,000 | war_e und mit denen die ſeiter jürlich | darkumen ſindt und ſeiter darin_e | gewachſen di ſindt vil tauſent worden | anno 1493 do wont_e in vil tauſent per | sohn_e noch da von teutsch und flaming | angeſeſſen weliche unter dem edlen und | geſtreng_e ritter hern jobſsten v_o hürtter | hern zu mörkirchen aus flandern mein_e | lieben hern ſchweher dem diſe jnſel von | der vorgenanten herzogin von burgundt | jme und ſein_e nachkhumen gegeben iſt | jn welichen jnſeln der portugaliſchel | zucker wechſt und die frücht zwier | im jar wan daſelbſt ni_mermehr winter | iſt und alle leibs nahrung vaſt wolfeil | iſt da rumb kumen noch järlich vil | volckhs da umb jr narung da zu | ſuchen .