Lesung Es Ist Zu Wissen Stadtarchiv 1

Eſ ist zuwissen daz in diser gegenwürdigen figur deß apffelſ | ist außgemessen die ganz welt nach lenge und nach Breite nach der | kunst Geometria , alß unß Ptholomeuſ in seinem Buch genant | Coßmographia Phtolomej geschriben hat . daſ ain thail . unnd darnach | das ubrige der from Ritter Marco Polo von Vene dig der in Orient gewont | hat anno domini 1 2 5 0 auch geschriben hat gelassen , auch so hat der würdig | doctor unnd Ritter Iohann [''de'' in der Vorlage über dem Text nachgetragen] Mandeuilla anno domini 1 3 2 2 auch ein Bu[e?]ch | gelassen , daz nemblich die unbekandten Lanndt Ptholomej in Orienten | ligen , mitsambt den Inseln daselbsten , an Tag gebracht haben , von dan | unß die ſpezerey Perlein unnd daß Edelgestain hergefüert würdet , | aber der durchleuchtig künig Don Iohann von Portigall hat daz ubrig | Thail daß Ptholomej noch nit kundig gewest ist , ge gen Mittag lassen | mit seinen ſchiffen besuechen anno Domini .1 4 8 5. darbey Ich der disen | apffell angeben hat , gewesen bin , Gegen Undergang ist daz Möer | Occeanuſ auch durchfaren uber die schrifft Ptholomej und die ſeül | herculiß , biß in die Insell dos azores faial unnd Pico , die von | dem | Edlen unnd vessten Ritter herrn Iobsten de hör tter von Morkirchen | mit seinen volckh auß flandern dargefürt , dieselb Insel bewont , | und besizt unnd Regiert , mein lieber ſchweher , und [daz?] Viert Ortt der | welt , gegen Mitternacht und tramontana uber | die schrifft Ptholomej | In Eißlandt Nordwegen und Reussen , unß auch iezt kundig ist , | unnd man Iarlich dahin schifft , darumb daz niemandt zweiffeln soll , | wie wol die welt symbel ist . daz man iezt uberall mit ſchiffen faren , | oder gen mag , wie hie stet .