Lesung Dise Insel Genant Zanziber Murr

Diſe Inſel genant Zanziber hot vmbfangen | 2000 Meil . Die hott Jren aigenen Konigk | vnd Ire beſunder Sprach vnd die Inwoner | petten Apgotter an . ſind groſſ leutt gleich | wan Jr einer hot vier vnſer man ſterck . vnd | Jr ainer iſt ſo vil als ander fünf menſchen .| ſie gin al nacket , vnd ſind all ſchwarz leut ,| faſt vngeſtalt , mit groſen langen oren , weiten | mündern gros erſchrekliche augen , hend | zu virmalen groſſer dan ander Leut hend : | Ire weiber ſind ouch alſo grauſam anzuſehen | wie die man . dis volk nert ſich der datellen | milch reis vnd fleiſch : kein wein wechſt bey | Jn ſi machen aber gut tranck von Reiſs vnd | von Zucker . groſe kaufmanſchaft geſchicht | bej In von ambra vnd von helfant zenen . Do | ſindt vil helfant vnd groſs Walfiſchs wern bej | Jn gefangen vnd leven vnd leoparden auch | gyraffen vnd leonzen vnd vil andere thier die | faſt vngeleich vnſern thiren ſindt . dis beſchreibt | vns Marco Polo Jm dritten Puch an | dem xlj Capitel .