Lesung Dise Insel Genant Zanziber Ghillany1853 Umz

diſe Inſel genant Zanziber hot vmbfangen | 200 Meil di hot Iren aigenen konigk vnd | Ire beſunder Sprach vnd die Inwoner | petten apgotter an ſind groſſ leutt gleich | man jr einer hot vier vnſer man ſterck | vnd Ir ainer iſt ſo vil als ander fünf | menſchen ſi gin alnacket vnd ſind all | ſchwarz leut faſt vngeſtalt mit groſzen langen | oren weiten mundern gros erſchrekliche augen | hand zu vir malen groſſer dan ander leut hend | Ihre weiber ſind auch alſo grauſam anzuſehen | wie die man dis volkh nert ſich der datellen | milch reis vnd fleiſch kein wein wechſt bey In | ſi machen aber gut tranck von reiſz vnd von | Zucker groſe kaufmanſchaft geſchicht bej In | von ambra vnd von helfantzenen do ſindt | vil helfant vnd groſz wallfiſschs wern bej In | gefangen vnd leven vnd leoparden auch gyraffen | vnd leonzen vnd vil andere thier die faſt | vngeleich vnſern thiren ſindt dis beſchreibt vns | marco polo Im dritten puch an dem xlj Capitel .