Lesung Dise Insel Genant Zanziber Ghillany1842

Diſe Inſel genannt Zanziber hot vmbfangen 200 Meil . Die hot Iren aigenen Konigk vnd | Ire beſunder Sprach vnd die Inwoner petten Apgotter an . ſind groſſ leutt gleich wan Ir einer hot | vier vnſer man ſterck . vnd Ir ainer iſt ſo vil als ander fünf menſchen . ſie gin al nacket vnd ſind | all ſchwarz leut , faſt vngeſtalt , mit groſen langen oren , weiten mundern gros erſchrekliche augen , | hend zu virmalen groſſer dan ander Leut hend : Ire weiber ſind ouch alſo grauſam anzuſehrn wie die | man . dis volk nert ſich der datellen milch reis vnd fleiſch : kein wein wechſt bey In ſi machen aber | gut tranck von Reiß vnd von Zucker . große kaufmanſchaft geſchicht bei In von ambra vnd von helfant | zenen . Do ſindt vil helfant vnd groſ Walfiſchs wern bej In gefangen vnd leven vnd leoparden | auch gyraffen vnd leonzen vnd vil andere thier die faſt vngeleich vnſern thiren ſindt . dis beſchreibt | vns Marco Polo Im dritten Puch an dem xlj Capitel .