Lesung Aus Fuerbitt Stadtarchiv

Auß furbith und beger der fürsichtigen Erbarn und weisen | alß der Obristen haubtleuth der Löblichen ReichsStatt Nürmberg, | die dann zu disen zeitten Regierth haben, mit Namen herrn Gabriel | Nützel, herrn Pauluß Volckhaimer und heren Niclaß Grolandt. Ist dise | fügur deß apffels gepracticiert und gemacht worden, auß kunst | ubung und angeben, durch den Gestrengen und Vesten [herrn in der Kopie verwischt] Marttin | Behaim Ritter, der sich dann in diser kunst Koßmagraphia vil | erfaren hat, unnd bey ein dritteil der welt umbfaren hat, | Soliches alles mit vleiß außgezogen auß den Büechern Tholomej | Plinj, Straboni unnd Marco Polo, unnd also zusamben gefüeget, | alles Meer und Erdrich Iglichs nach seiner [.... in der Vorlage gestrichenes Wort] gestallt und formb | Solliches alles dem Erbern Georgen Holtschueher von Rahts wegen | durch die gemelten haubtleuth beuolhen worden ist darzu er dann | gerathen unnd geholffen hat mit müglichem vleiß, Soliche kunst | unnd apffell ist gepracticiert, und gemacht worden Nach Christi | Gepurtt .1 4 9 2. Iar der dann durch [''den'' im Original darüber nachgetragen] gedachten heren Mertten Behaim, | gemainer Statt Nürmberg, zuehren und Lege hinder Ime gelassen hat, | Sein zu allen zeiten In guten zubedenckhen Nach dem er von hinnen | wider haimb wendet zu seinem Gemahel daz dann ob .7 0 0. Meil von hina ist, da er Hausß helt, unnd sein tage in seiner Insell <zuuerschleissen>, | do er daheimb ist,