Lesung Nach Christi 1431 Ravenstein

nach criſti unſers lieben hern gepurt | 1431 jar alſs regiert in portugal | jnfante don pedro wurden nach | notturft zugericht zway ſchiff auf 2 | Jar geſpeiſst von den hochgebornen | Jnfanten don heinrichen deſs koniks | auſs portogalli bruder zu erfahren | waſs do wer hinder ſanct Jacob fynis | terre weliche ſchiff alſo gerüſt ſegelten | alweg nach den untergang der ſonnen | bey 500 teusche meilen zuletſt | wur den ſy ains tags anſichtig diſe 10 | jnſeln und aufs landt trettendt funden | nichts dann wildnuſs und vögel die | waren ſo zam daſs ſy vor niemandt | flohen aber von leutten oder thieren | mit vier füssen war von weg_e der | wildtnuss kains darkhumen zu wohnen | um deſswillen die vögel nit ſcheuh | waren alſo wurden ſy geheiſſen insulen | dos azores das iſt auf teutsch ſo | vil als der habichen jnſeln und umb | welichs willen der könik von portugal | das ander jar ſchikt 16 ſchiff mit | allerley zam_e thier_e und lieſs auf | jede inſel ſein tail thun umb darzu | multiplicieren .